Đơs tàm dơ̆ pơrjum, Tổng Ƀí thư Nguyễn Phú Trọng đơs nền, tàm mờr 40 nam tam gơl pa pa do, Đảng he dê neh tàm đòm jat mờ ngui niam bơta niam chài, tơngu rơyas mờ bơhiàn bơh yau jơi bơtiàn dê, cih dờp geh sac rơ wah bơta niam chài dunia mờ bồ tơngoh gơguh jak bơh tŭ tơngai dê, bơtàu tơnguh jat bơnàng jă jơnau bơsram tàm sră bơh củ nghiã Mác – Lênin, bồ tơngoh Hồ Chí Minh, lơh gơs dùl gah lơh broă mờ lơgar ndai, cribơyai broă mờ lơgar ndai niam ngan mờ krơi is ngan, cèng uă bơta niam chài “tờm gle Việt Nam”.

Tổng Ƀí thư Nguyễn Phú Trọng jờng rơ 6 cồng nha geh pơn rơ bơh Gah cribơyai broă mờ lơgar ndai mờ lơh broă bal mờ lơgar ndai gùt lơgar dê bơh tơnơ̆ Pơrjum lơh broă mờ lơgar ndai gùt lơgar dơ̆ sơn rờp tàm nam 2021 bè bol he neh bơyai lơh kơlôi sơnơng bơsram mờ lam lơh jat dùl ròt bal, geh cồng nha gùng dà lơh broă mờ lơgar ndai Pơrjum dờng dơ̆ 13 bơh Đảng dê.