Tổng Ƀí thư Nguyễn Phú Trọng tus mờ đơs sồr lơh tàm pơrjum. Tàm pơrjum, ală kwang bàng cribơyai mờ ai jơnau đơs gơwèt mờ: Jơnau yal sền jơh wơl broă lơh đảng bơh Đảng ƀộ Kwang àng dà lơgar nam 2023 dê mờ gùng dà broă lơh, kơnòl broă nam 2024; Jơnau yal sền wơl cồng nha lơh jăt Kơrnoăt sồ 12 bơh Ƀộ Cíñ trị dê bè lơh pràn bơ̆t bơtàu mpồl Kwang àng làng bol mùl màl sàng goh, pràn kơldang, jak chài, ngăc ngar, pa ngan, lơh geh jơnau sồr, kơnòl broă tàm bơta pa.

Đơs tàm pơrjum, Tổng Ƀí thư Nguyễn Phú Trọng sồr Đảng ủy Kwang àng dà lơgar pal rơcăng lài kơlôi sơnơng dùl bă tơl làm, geh rơndăp tăp sèng mờ jơh nùs, tă pơgồp jơnau đơs mờ Đảng, mờ Dà lơgar, kâp ủy, gơnoar ătbồ ƀòn lơgar ai tơlik ală gùng dà broă lơh, broă dong kờl, adat boh lam bè bơtàu tơnguh lơh sa- mpồl bơtiàn sền gàr niam dà lơgar, lơngăp lơngai.