Tổng Ƀí thư Nguyễn Phú Trọng wă rò Ƀộ trưởng Ƀộ Ngoại giao lơgar Lo Vương Nghị
Thứ bảy, 09:42, 02/12/2023
Cau mblàng K’Hạnh/VOV
Cau mblàng K’Hạnh/VOV
VOV4.K’Ho- Mho òr (01/12), tàm hìu lơh broă Đảng Dà lơgar, Tổng Ƀí thư Nguyễn Phú Trọng neh wă rò Kwang bàng Ƀộ Cíñ trị, Củ ñiệm Văn phòng Ủy ƀan Lơh broă mờ lơgar ndai lơgar Lo Đảng kộng sản lơgar Lo, Ƀộ trưởng Ƀộ Ngoại giao lơgar Lo Vương Nghị gam còp mờ lơh broă tàm lơgar Việt Nam.
Tổng Ƀí thư Nguyễn Phú Trọng jờng rơ Ƀộ trưởng Ƀộ Ngoại giao lơgar Lo Vương Nghị còp lơgar Việt Nam, pin dờn dơ̆ lòt còp rơ̆p pơgồp bơnah jơh nùs chồl tơnguh ală gah lơh broă bal đah 2 lơgar ngai sơlơ jrô ơnàng làm uă, geh mut lơh ngan ngồn mờ geh cồng nha.
Đơs sùm bơh bơta đơng lam mờ pơlam gùng dà bơh 2 nă Tổng Ƀí thư 2 Đảng, ală gah, ală kấp bơh 2 gah dê rơ̆p pơn jat tai chồl tơnguh lơh broă bal ngan ngồn, geh cồng nha tàm ală gah, sơlơ tơnguh bơta pin dờn cíñ trị, sùm lơh li la tơngume bơta gĭt gơ̆p lơgar rềp bal lơh bơyô bal, lơh broă bal kwơ màng tơl làm đah lơgar Việt Nam mờ Lo tàm tơngai tus.
Viết bình luận