Tổng Ƀí thư Nguyễn Phú Trọng đơs niam bơta kwơ bơh dơ̆ tus còp do bơh ồng Shii Kazuo tàm nam bàr lơgar bơyai lơh tơnkah 50 nam crơng gơs bơta git gơ̆p cri bơyai broă mờ lơgar ndai, bàr gah pa tơnguh bơta git gơ̆p tus Tam klăc bal jŏ jòng tơl ală bơta tài bơta ring lơngai mờ ndrờm bal tàm câu Á mờ tàm dunia.

Tổng Ƀí thư pin dờn dơ̆ tus còp geh pơgồp bal lơh gơguh bơta git gơ̆p, lơh bơyô bal ờs mờng mờ tam klăc bal đah bàr Đảng mờ lơh pràn broă lơh bơyô bal đah làng bol bàr lơgar, lơh geh uă rơlao bơta git gơ̆p đah bàr lơgar. Củ tịc Đảng Kộng sản lơgar Nhờk Shii Kazuo đơs niam bơngă bal mờ gơnoar bơh lơgar Việt Nam dê tàm tiah do, chờ gờm ală cồng nha bè lơh broă bal mờ lơgar ndai mờ lơgar Việt Nam neh lơh geh tàm tơngai do, pin dờn lơgar Việt Nam geh pơn jăt tai geh ală bơta pơgồp bal dờng màng rơlao gơwèt mờ bơta ring lơngai, kơ̆ kơl jăp, lơh broă bal mờ bơtàu tơnguh tàm tiah do mờ tàm dunia.