Dùl nam do, ală Mpồl đơng lam kấp càr neh lơh tơn mờr 150 dơ̆ lòt sền, jat sền bè broă lơh rcang sơndră sa kuề sa kuà mờ bơta ờ niam. Bơh lòt sền, jat sền neh sền gŏ uă tìs; sồr lơh glài uă mpồl đảng, đảng viên lơh tìs.

Mìng tàm 1 nam, ală Mpồl đơng lam kấp càr neh kờp sền, ai 600 dơ̆ broă, broă sa kuề sa kuà mờ bơta ờ niam tàm mpồl jat sền, đơng lam nàng tơrgùm sồr lơh glài. Uă tiah neh sền gŏ, yăl yă, lùp khàu, lơh glài uă broă tìs dờng, uă kwang bàng gơwèt mpồl Ƀan Thường vụ Tỉñ ủy, Thàñ ủy dê atbồ. Tơnơ̆ tŭ sơñio loh 5 jơnau tờm lơh gơbàn mờ jơnau bơsram bơta mờng chài geh ai nàng pơn jat tai tơnguh uă rlau tai cồng nha lơh broă bơh Mpồl đơng lam kấp càr dê tàm tơngai tus, Tổng Ƀí thư ồng Nguyễn Phú Trọng sồr, Mpồl đơng lam ală Tỉñ ủy, Thàñ ủy pal pơn jat tai bơsram lơh jat, sền gĭt jrô ơnàng làm uă rlau tai bè broă lơh, gơnoar, gơnoar broă, kơnòl broă, gơnap gơnoar bơh Mpồl đơng lam kấp càr dê; pal lơh broă geh rơndap tap sèng, niam, geh ngan, jat di mờ gơnoar broă, kơnòl broă dê