Jàu Gai lòng Đảng, pà bơkàu mờ đơs gờm chờ Tổng Ƀí thư, Duh broă sùm Ƀan Ƀí thư ồng Võ Văn Thưởng đơs loh, 55 nam ơm tàm mpồl Đảng dê, ồng Nguyễn Phú Trọng lơh uă gơnoar broă kwơmàng bơh Đảng, Dà lơgar mờ Làng bol dê jàu kơnòl, geh uă tă pơgồp dờng ngan ai broă lơh kăc màng bơh Đảng mờ Jơi bơtiàn he dê in, ngan là tàm broă lơh tam gơl pa, bơ̆t bơtàu mờ sền gàr Dà lơgar.

Đơs tàm dơ̆ bơyai lơh, Tổng Ƀí thư ồng Nguyễn Phú Trọng ngoh rơngăc đơs, do là dùl kir sơnrai dờng màng ngan, chờ hờp ngan gơwèt mờ să tờm añ; añ hơ jơh sùm dùl rài kis lơh ngan pơđơl pràn, phi să, dùl nùs dòn song ngan mờ bơta kơ̆p kờñ, broă lơh kăc màng bơh Đảng dê, ai jơh pràn bơsram tàp; lơh ngan bơsram mờ đòm jăt nùs nhơm bồ tơngoh, rài kis mờ broă lơh Hồ Chí Minh dê, dipal là cau đảng viên bơh Đảng dê.