Tàm sră pơyua geh gơl cih: Di tàm dơ̆ do, añ dan pơyua jơnau lùp còp đềt mềr, jrô ơnàng ngan rlau jơh tus mờ jơh ală cau pròc mhàm hìu bơnhă cau ling chơ̆t màng, ală oh mi là cau ling sồt să, cau ling kòp tê jê să, ală cau geh màng mờ kăc màng bơh mpồl Rơcăng gàr Kwang àng làng bol dê. Jơh nùs nting bơr gờm chờ mờ jờng rơ ală cồng nha lơh geh, tă pơgồp dờng ngan mờ mpồl Rơcăng gàr Kwang àng làng bol neh lơh geh tàm sùm 70 nam do. Tàm tŭ dà lơgar gam mŭt tàm tơngai bơtàu tơnguh pa, mŭt gơrờm bal mờ dunia tơl làm, jrô ơnàng làm uă, jơnau sồr mờ kơnòl broă gơ tơlik tus ai mpồl Kwang àng làng bol in đơs bal mờ mpồl Rơcăng gàr Kwang àng làng bol in đơs is là kơn jơ̆ kơn jŭt ngan, mơya kung chờ hờp ngan, pơnrơ ngan sơl. Añ pin dờn là mpồl Rơcăng gàr Kwang àng làng bol Việt Nam sùm sùm dipal mờ mat sơnđan Cau khin cha jak chài mpồl phàu crong làng bol, lơh sir jak ngan jơh ală kơnòl broă mờ Đảng, Dà lơgar mờ Làng bol pin dờn, jàu kơnòl.