Đơs tàm dơ̆ đơng lam tàm Pơrjum, Tổng Ƀí thư ồng Nguyễn Phú Trọng sồr Đảng ủy Kwang àng Dà lơgar, Ƀộ Kwang àng pơn jăt tai tơnguh gơnoar tờm tàm broă lơh jăt Nghị quyết sồ 12 bơh Ƀộ Cíñ trị dê bè lơh pràn broă bơ̆t bơtàu ală mpồl kwang àng làng bol mùl màl kloh niam, pràn kơl dang, jăk chài, ngăc ngar, lơh pa, di pal mờ jơnau kờñ, kơnòl tàm tơngai pa; pơgồp bal nền nòn mờ Đảng đoàn Quốk hội, Mpồl lơh broă kwang bàng đảng Cíñ phủ, ală tỉñ ủy, thàñ ủy ai Nghị quyết sồ 12 mờ ală nghị quyết bơh Pơrjum Dà lơgar bè tơnguh bơtàu lơh sa mpồl bơtiàn mờ gàr niam dà lơgar, bơta lơngăp lơngai tus nam 2030, wèt tus nam 2045 bơh 6 Tiah lơh sa tàm gùt lơgar mùl màl mŭt tàm rài kis.

Tổng Ƀí thư ồng Nguyễn Phú Trọng sồr, Đảng ủy Kwang àng Dà lơgar lơh ngan bơ̆t bơtàu mpồl Kwang àng làng bol mùl màl kloh niam, pràn kơl dang, jăk chài, ngăc ngar, lơh pa, tàm bơta là “Mìng git gam Đảng là gam he”, “Bơngă là jơnau dờng màng, kwơ màng ngan rơlao jơh”.