Tổng Ƀí thư tơngŏ bơta chờ hờp bè bơta gĭt gơ̆p tam klăc bal kwơ màng, lơh broă bal tơl làm đah Việt Nam mờ Lào ngai sơlơ bơtàu tơnguh, mŭt lơh jrô ơnàng, lơh broă ngan ngồn mờ geh cồng nha tàm ală gah broă, pơgồp bơnah kwơ màng gàr kơ̆ kơl jăp cíñ trị, sền gàr dà lơgar, sền gàr lơngap lơngai mờ bơtàu tơnguh lơh sa- mpồl bơtiàn bơh tơl lơgar dê. Tàm tơngai tus, 2 đảng, 2 lơgar pal pơn jat tai sơlơ tơnguh mờ tơnguh uă cồng nha lơh broă bal nàng di pal mờ ală jơnau sồr pa, tam pà bal, dong kờl bal mờ gơ̆p, sơr lèt gan kal ke.

Tổng Ƀí thư ồng Nguyễn Phú Trọng sồr 2 Cơldŭ lơh broă Đảng dà lơgar pơn jat tai lơh jat niam bơhiàn ờs mờng bơh he dê, pơgồp bal niam, cribơyai ală broă bè lý luận mờ bơta geh ngan, bơta mờng chài, lơh broă bal dong kờl bal tàm broă lơh jŏ jòng, lơh jat geh cồng nha Jơnau ring bal lơh broă bal đah 2 Cơldŭ lơh broă Dà lơgar bơh 2 Đảng dê mờ Jơnau ring bal đah kwang đơng lam bồ kấp dờng 2 đảng dê, pơgồp bơnah lam lơh jat geh cồng nha Nghị quyết Pơrjum dờng bơh tơl Đảng dê.