Tàm dơ̆ wă rò, Tổng Ƀí thư ồng Nguyễn Phú Trọng đơs nền, lơgar Việt Nam sùm sền dờng màng bơta tò dong, dong kờl kwơmàng mờ jơh nùs jơh tồr ngan bơh làng bol lơgar Liên Xô lài do mờ làng bol lơgar Nga tŭ do neh lời ai lơgar Việt Nam in tàm ală nam nhai tam lơh bòl glar kal ke kung bè tàm broă lơh bơ̆t bơtàu mờ sền gàr dà lơgar tơnơ̆ do, đơs nền bơta sền dờng màng gơ wèt mờ gĭt gơ̆p lơh bơyô bal ờs mờng bơh yau, Tam klăc lơh broă bal jŏ jòng tơl ală bơta mờ lơgar Nga.

Đảng Kộng sản Việt Nam sền dờng màng broă bơtàu tơnguh gĭt gơ̆p mờ ală đảng cíñ trị tàm lơgar Nga. Tổng Ƀí thư ồng Nguyễn Phú Trọng đơs bàr pe gùng dà broă lơh dờng nàng kờñ pơn jăt tai lơh pràn gĭt gơ̆p đah Việt Nam mờ Nga tàm tơngai tus. Củ tịc Duma Dà lơgar Nga ồng Vyacheslav Victorovich Volodin đơs nền lơgar Nga sùm sền lơgar Việt Nam là lơgar tam klăc lơh broă bal lài ngan, kwơmàng tàm broă lơh lơh broă mờ lơgar ndai bơh he dê tàm tiah câu Á- Thái Bình Dương.