Tổng Ƀí thư ồng Nguyễn Phú Trọng đơs tờm tus mờ broă sền kwơ bơh lơgar Việt Nam dê gơwèt mờ bơta git gơ̆p đah lơgar Việt Nam mờ lơgar Australia, đơs niam broă tơnguh bơtàu pràn kơl dang, mùl màl mờ tơl ală bơta bơh lơh broă bal đah bàr gah dê tàm ală nam do.

Tổng Ƀí thư đơs tờm lơgar Việt Nam mờ lơgar Australia là bàr lơgar geh bal tàm tiah câu Á – Thái Bình Dương, geh uă bơta ndrờm bal, bơta gĭt gơ̆p neh sơrlèt mờ uă tơngai tơnguh bơtàu tàm 50 nam do, geh pờ ơnàng mờ geh mŭt jrô ơnàng jơh tàm bơta git gơ̆p cíñ trị, lơh broă bal lơh sa, khoa họk, kông nghệ, bơto bơtê mờ bơsram mờ sền gàr dà lơgar, bơta lơngăp lơngai. Tổng Ƀí thư ring bal bè ală gùng dà tơnguh bơtàu bơta git gơ̆p, tàm hơ̆ geh broă ai bơta git gơ̆p bal đah bàr lơgar gơguh tàm bơta pa, lơh broă bal niam rơlao tai mờ tơnguh uă cồng nha broă lơh jăt ală jơnau ring bal tài bơta kwơ bơh làng bol bàr lơgar, tài bơta ring lơngai, lơh broă bal mờ tơnguh bơtàu tàm tiah do mờ tàm dunia.