Tàm pơrjum do, Dà lơgar tơrgùm cri bơyai nàng sền wơl mờ tơlik jơnau đơs dŭt ndơl ală bơta bè gùng dà broă lơh jăt mờ tơn jơh Jơnau lơh nền tàm pơrjum sồ 18 bơh Mpồl duh broă Đảng Dà lơgar khoă 12 ờ uă bơta pơn jăt tai tam gơl pa rơndăp tăp sèng mpồl kwang bàng tàm mpồl cíñ trị lời wơl dồ êt nă, lơh broă gơtùi, geh cồng nha; bè broă lơh wơl broă lơh Ồs đèng hạt ñân lơgar Việt Nam dê mờ pơn jăt tai kơlôi sơnơng Rơndăp broă lơh ồs đèng hạt ñân Ninh Thuận, bè broă sền wơl broă lơh glài Đảng viên gơtìp tìs mờ sền wơl nàng ờ uă kwang bàng tơn jơh at gơnoar broă Kwang geh jơng tàm Đảng Dà lơgar khoă 13 mờ yal tơnggĭt pồ tơl ờ uă groăt kwang đơng lam anih lơh broă Dà lơgar.

Đơs tàm dơ̆ đơng lam pơrjum, Tổng Ƀí thư ồng Tô Lâm neh ai geh 2 broă nàng Dà lơgar sền wơl cri bơyai mờ lơh nền, hơ̆ là bè gùng dà broă lơh tơn jơh gờñ tơl ală bơta Jơnau lơh nền tàm pơrjum sồ 18 mờ pơn jăt tai rơndăp tăp sèng, lơh gơs broă kwang bàng tàm mpồl cíñ trị lời wơl dồ êt nă cau, lơh broă gơtùi, geh cồng nha, tàm hơ̆ uă ngan là tàm kấp Dà lơgar. Đơs sùm broă lơh lời wơl dồ êt nă cau mpồl kwang bàng mpồl cíñ trị neh geh đơs tus tàm uă tơngai lơh broă mờ rơ̆p lơh pràn nàng lơh jăt broă tam gơl pa.