Nàng tơnguh, tơnguh uă cồng nha yal tơngit jơnau lơh broă bal mờ lơgar ndai bè gơnoar kòn bơnus, tàm 2 ngai bơh ngai 26 tus 27 nhai 10, tàm ƀòn dờng Kon Tum, Ƀộ Thông tin mờ Truyền thông pơgồp bal mờ Duh broă sùm Mpồl đơng lam bè Gơnoar kòn bơnus bơh Cíñ phủ mờ UɃÑZ càr Kon Tum bơyai lơh pơrjum pơlam broă yal tơngit jơnau mờ lơgar ndai bè gơnoar kòn bơnus ai mờr 200 nă kwang bàng là kwang bàng lơh broă yal tơngit jơnau mờ mblàng yal, broă gơnoar kòn bơnus 19 càr, ƀòn dờng tàm Tây Nguyên, Đah jum măt tơngai mŭt dà lơgar mờ ƀòn dờng Hồ Chí Minh.

Tàm tơngai 2 ngai, ală kwang bàng tus Pơrjum pơlam broă yal tơngit jơnau lơgar ndai bè gơnoar kòn bơnus geh lơh jăt kơrnoăt bơh Thủ tướng Cíñ phủ bè broă kĭ rơndăp broă yal tơngit jơnau bè gơnoar kòn bơnus; yal tơngit bè bơta sơgràm broă jăt yàng tàm tơngai do mờ broă gơrềng bè jơnau yal tơngit lơgar ndai; bơto sồr lơh pràn broă yal rùp rài càr tus mờ lơgar bơdìh; broă mờng chài mblàng yal tàm ală pang sră ƀăo lơh broă bal mờ lơgar ndai mờ dunia; bơta broă gơnoar kòn bơnus mờ ờ uă gùng dà broă mblàng yal bè gơnoar kòn bơnus.