Trồ tơngai duh ngan tàm kàl prang càr Kon Tum sơlơ tơnguh broă rcang sơndră ồs sa brê
Thứ hai, 16:40, 20/02/2023
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV4.K’Ho- Càr Kon Tum tŭ do gam mut tàm tơngai prang dờng bơh kàl prang dê mờ uă bă brê neh ơm tàm kấp yal tơngĭt lài ồs sa kấp V, kấp pơhìn ồs sa ngòt ngơ̆t uă ngan.
Tềng đap bơta do mpồl lơh broă geh gơnoar mờ gơnoar atbồ ală tiah gam sơlơ tơnguh broă lơh rcang sơndră ồs sa brê. Jat Ci kụk Kiểm lâm càr Kon Tum, tŭ do geh 7/10 kơnhoàl, ƀòn dờng tàm càr kấp yal tơngĭt lài ồs sa brê gam là kấp V, kấp pơhìn ồs sa ngòt rngơ̆t ngan.
Tàm kờp jơh khà rlau 610 rơbô 600 lồ brê tŭ do càr dê, bă brê geh sền gĭt là ƀuơn ồs sa là rlau 227 rơbô lồ. Mìng is tàm 4 kơnhoàl tiah đah mat tơngai mŭt, tàm hơ̆ geh: Ngọc Hồi, Đăk Tô, Sa Thầy mờ Ia H'Drai geh rlau 96 rơbô 100 lồ brê. Ồng Nguyễn Văn Nam, Phó Kwang atbồ Ci kụk Kiểm lâm càr Kon Tum pà gĭt, mpồl lơh broă geh gơnoar mờ gơnoar atbồ ală tiah gam sơlơ tơnguh lơh broă lơh rcang sơndră ồs sa brê.
Viết bình luận