Broă ală cau pơgru tàm kơnhoàl Đăk Hà, càr Kon Tum gơtìp cau pơrlồm ờ mìng hoàc hươr bè phan bơna să tờm dê mờ gam lơh anih tiah pơgru lơh broă geh tai broă, geh tai kơnòl.

Bè jơnau bơh tài gơlik tus broă uă pơgru tàm ù tiah kơnhoàl dê gơtìp cau pơrlồm bơh tàm internet, mò Lê Thị Nhung, Kwang ătbồ Cơldŭ Bơto bơtê kơnhoàl Đăk Hà, càr Kon Tum đơs là, geh uă ngan jơnau, bulah neh geh yal tơngkah lài bơh anih lơh broă geh gơnoar, mờ kwơmàng là bơh kwang àng dê. Bulah bè hơ̆ kung gam geh sơl jơnau cau pơgru pin dờn tàm ală jơnau bơchồt, pơrlồm, hoài jà. Tàm jơnau pơrlồm cau pơgru tồn lah he gơtìp gơ ơm tàm jơnau gơlik geh lơi hơ̆ ngan, den tàng là lơh jăt jơnau bơto pơlam hơ̆ nàng hơ̆ sồng pơyua priă.