Đơng lam Pơrjum geh Phó Thủ tướng Cíñ phủ Trần Lưu Quang mờ Ƀộ trưởng, Củ ñiệm Ủy ƀan Jơi bơtiàn Hầu A Lềnh. Đơs tàm dơ̆ đơng lam pơrjum, Phó Thủ tướng Cíñ phủ Trần Lưu Quang dờp mờ đơs niam ală broă lơh ngan mờ cồng nha neh lơh geh tàm broă lơh jơi bơtiàn nam pa do dê.

Mơya, bơdìh mờ ală cồng nha neh lơh geh, tiah jơi bơtiàn ờ gal cau mờ tiah kơh bơnơm kung gam uă kal ke, bơta lòng mờ uă bơta pal geh pơn jăt tai bơsong tàm tơngai tŭ do. Den tàng, Phó Thủ tướng Cíñ phủ sồr tàm tơngai tus ală ƀộ, gah lơh broă dà lơgar, ală càr, ƀòn dờng pal sền gròi ngan tus mờ broă lơh jơi bơtiàn, tàm hơ̆ pal lơh di pal mờ bơhiàn bal mờ bơta geh mùl màl bơh tơl tiah dê. Lơh pràn broă mblàng yal nàng tam gơl bồ tơngoh kơlôi sơnơng, broă lơh bal mờ nùs nhơm bơh làng bol dê nàng să tờm làng bol git lơh ngan brồ guh; bañ pin dờn, ƀan iăt jơnau bơh cau ờ niam đơs.