Do là dùl tàm ală broă lơh tàm dơ̆ jờng rơ nam 2023 bơh Ủy ƀan Jơi bơtiàn đơng lam, pơgồp bal mờ Ƀộ Giáo zụk mờ Đào tạo, Đoàn Ơruh pơnu Kộng sản Hồ Chí Minh dà lơgar bơyai lơh tàm 2 ngai, 25 mờ 26 nhai 12.

Nam do, kờp jơh khà kơnòm bơsram, cau bơsram dờng, ơruh pơnu jơi bơtiàn ờ gal cau geh rơwah nàng jờng rơ là 143 nă oh gơ wèt 51 jơi bơtiàn, tàm hơ̆ geh 12 jơi bơtiàn gơ wèt ală jơi bơtiàn geh kal ke krơi is. Ală oh là ală kơnòm bơsram jơi bơtiàn ờ gal cau geh khà 1, khà 2, khà 3 tàm dơ̆ pơrlòng kơnòm bơsram jak dà lơgar, dơ̆ pơrlòng bơta chài măi mok kâp dà lơgar halà pơrlòng gơkờn, geh rơwah mut tơn ală hìu bơsram đại họk, họk viện, geh điểm bơh 28 điểm rơlou hơđang jat tơrgùm 3 môn rơwah mut hìu bơsram đại họk; là ală ơruh pơnu jơi bơtiàn dồ êt nă cau jak ngan, geh pơn rơ gơguh jak tàm ală gah halà bơh ală tiah yal tơnggit…