Geh lơh dờng, mờ mờr 1 rbô nă cau tus bal tàm pơrlòng tàp pràn să jan, dơ̆ pơrlòng THACO Marathon Tài Lơngăp lơngai lòt rê tàm gùng nàng kờñ lam lơh srơh tàp pràn să jan jăt krơh Wa Hồ pơnrơ ngan dê; mblàng yal, bơto bơtê, tơnguh uă bơta gĭt wă tài lơngăp lơngai lòt rê tàm gùng; bơto bơtê bơhiàn kăc màng, yal tơngĭt tiah tềl lời wơl kah yau Dà lơgar dờng màng Tiah jơnhoa 1015 (Grồi Charlie) mờ Tiah jơnhoa 1049 (Grồi Delta).

Di tàm dơ̆ do, Kes priă Tàm sơmbăt tê bal Tài lơngăp lơngai lòt rê tàm gùng bơh Sră ƀăo Lòt rê tàm gùng dê neh pà 25 bơnah phan, kờp priă tơl bơnah là 2 tơlak đong dong kờl ală hìu bơnhă, cau hìu bơnhă gơtìp rềs àr gùng lòt geh rài kis kal ke; jàu pà 200 nơm sơgơn gàr bồ ai Mpồl Sền gàr lơngăp lơngai lòt rê tàm gùng càr Kon Tum in.