Tàm dơ̆ pơrjum, Củ tịc Quôk hội ồng Vương Đình Huệ sồr sơlơ tơnguh tai bơta ki ngàm duh rơngòt adat boh lam, lơh jat kơrnoat pal jat tàm broă lơh bơt bơtàu adat boh lam kung bè broă rcang ală sră nggal, sră pơ àr yal mờ Quôk hội in jat jơnau sồr; bơsong jơh bơta pơyoa sră nggal rơndap broă lơh, jơnau rcang cih ờ di tŭ tơngai jat jơnau cih dê, ờ gàr geh bơta niam.

Đơs pơndŭt pơrjum, Củ tịc Quôk hội ồng Vương Đình Huệ đơs loh, pơrjum nisơna geh tơngai lơyah, ai jơnau đơs tă pơgồp, lơh nền ală broă jal mhar tài jơnau sồr geh ngan geh ai tơlik mơya kung pal lơh jat tơl làm jat jơnau sồr bơh adat boh lam dê. Củ tịc Quôk hội sồr Cíñ phủ, ală anih lơh broă bơh Quôk hội, Anih cah rña dờng ngan rlau jơh, Viện Kiểm sát làng bol dờng ngan rlau jơh, Kiểm toán Dà lơgar, Mặt trận Dà lơgar, ală mpồl cíñ trị- mpồl bơtiàn mhar rcang ai Pơrjum dơ̆ 5, Quôk hội khoă XV in.