Ủy ƀan Thường vụ Quốk hội iăt jơnau yal bơh Cíñ phủ dê bè cồng nha lơh jăt, kal ke gơkòl tàm broă lơh 3 broă lơh jơnau kờñ dà lơgar tàm tơngai bơh nam 2021 tus 2023
Thứ bảy, 07:48, 14/10/2023
Cau mblàng Ndong Brawl/VOV
Cau mblàng Ndong Brawl/VOV
VOV4.K’Ho- Pơn jăt tai broă pơrjum dơ̆ 27, drim òr (13/10), Ủy ƀan Thường vụ Quốk hội iăt jơnau yal bơh Cíñ phủ dê bè cồng nha lơh jăt , kal ke gơkòl tàm broă lơh 3 broă lơh jơnau kờñ dà lơgar tàm tơngai bơh nam 2021 tus 2023 mờ ai geh broă lơh, kơrnoăt krơi is nàng bơsong kal ke, gơkòl, lơh mhar broă lơh jăt ală broă lơh tàm tơngai tus.
Ƀộ trưởng Ƀộ Kế hoạc mờ Đầu tư ồng Nguyễn Chí Dũng pà git, kal ke tàm broă lơh jăt là tài lơyài lơh gơs kơrnoăt atbồ, bơyai lơh jăt ală broă lơh jơnau kờñ dà lơgar bơh dà lơgar tus tàm ală càr, ƀòn dờng, lơh ờ niam uă ngan tus mờ broă lơh jăt ală broă tam pà, bơyai lơh jăt mờ bơcri priă lơh broă tàm ală ƀộ, anih lơh broă dà lơgar mờ ală càr, ƀòn dờng dê.
Tàm pơrjum, Phó Thủ tướng Cíñ phủ ồng Trần Lưu Quang neh dờp broă lơh jăt 3 broă lơh jơnau kờñ dà lơgar gơtìp lơyài. Phó Thủ tướng pà git Cíñ phủ yal mờ Quốk hội tam gơl priă bơh nam 2023 tus nam 2024 mờ hòi jà ală càr, ƀòn dờng mờ ală broă lơh pal bơcri jơh khà priă nam 2023.
Viết bình luận