Jăt broă lơh, Ủy ƀan Thường vụ Quốk hội geh pơgồp jơnau đơs bè broă mblàng lơh loh, iăt, lơh niam wơl rơndăp broă cih Adăt Ù tiah (tam gơl); Adăt ală mpồl ai càn priă (tam gơl); rơndăp broă cih Nghị quyết bè ờ uă kơrnoăt, broă dong kờl krơi is nàng bơsong kal ke, gơkòl, lơh mhar broă lơh jăt ală jơnau kờñ dà lơgar mờ rơndăp broă cih Nghị quyết bè broă bơtơl Broă rơndăp lơh bơcri priă dà lơgar di mờ tơngai priă bơh kes priă dà lơgar tơngai bơh nam 2021 tus 2025 bơh kes priă rơcang gàr lài bal ndrờm bal mờ priă gơguh tă, tềm pềr tă kes priă dà lơgar tàm nam 2022 ai ală kơnòl broă, rơndăp broă bơcri priă dà lơgar mờ bơtơl Broă rơndăp bơcri priă dà lơgar di mờ tơngai ai Tập đoàn điện lựk Việt Nam in bơh kes priă rơcang gàr lài tàm Broă rơndăp bơcri priă dà lơgar di mơ tơngai.

4 tơngu me kwơ màng do neh geh ală kwang bàng Quốk hội cri bơyai nền nòn tàm Hìu pơrjum dờng tàm 2 ngai lơh broă bơh Pơrjum ni sơna dơ̆ 5 dê. Tơnơ̆ mờ tŭ Ủy ƀan Thường vụ Quốk hội iăt, lơh niam wơl ală kwang bàng Quốk hội geh sền wơl, ring bal tàm drim ngai hìng (18/01) tàm Pơrjum ni sơna dơ̆ 5 do.