Lài mờ hơ̆, tàm pơrjum dơ̆ 4, Quốk hội khoă XV, geh uă kwang bàng ring bal mờ broă pal geh ai lơh jăt Adăt rơcang gàr dà lơgar. Bơdìh hơ̆ tai, geh uă jơnau đơs bơh kwang bàng dan pơn jăt tai sền wơl ală kấp rơcang gàr dà lơgar nàng gơtùi lơh jăt ngan ngồn.

Jăt mờ hơ̆, kấp 1 geh ngui nàng rơcang sơndră, tơmù hoàc huơr bơh bơta rềs àr, bơta gơlik geh tàm ù tiah kấp kơnhoàl, kấp 2 là tàm ù tiah kấp càr. Kơrnoăt geh ai kấp rơcang gàr dà lơgar là tơngu me tờm ai geh gơnoar ai tơlik, sơbì mờ ală broă geh ngui tàm tơl kấp rơcang gàr dà lơgar. Kung tàm ngai do, Ủy ƀan Thường vụ Quốk hội tơrgùm dơ̆ pơrjum ni sơna dơ̆ bàr mờ dơ̆ pe, Quốk hội khoă XV; Sền wơl, ring bal rơndăp broă cih Nghị quyết bơto sồr lơh jăt Kơrnoăt pơrjum Quốk hội mờ sền wơl rơndăp broă cih Nghị quyết bè kơnòl, gơnoar bal mờ Rơndăp broă bơh Mpồl gơnoar cih mờ sền jơnau yal broă làng bol kơ̆p kờñ bơh Quốk hội nhai 12 nam 2022 mờ nhai 01 nam 2023.