Dùl tàm ală tơngume kwơ màng geh Ủy ƀan Thường vụ Quôk hội tă pơgồp jơnau đơs tàm drim ngai 13/02 là broă jàu sră cih mat mờ khà priă bơcri ai kơnòl broă, rơndap broă lơh gơwèt Broă lơh bơtàu tơnguh wơl mờ bơtàu tơnguh lơh sa- mpồl bơtiàn dơ̆ 2.

Jat hơ̆, khà priă gam wơl bơh Broă lơh ờ hềt tam pà, jàu ai ală Ƀộ, Anih lơh broă Dà lơgar mờ ală tiah in là 28 rơbô 862 tơmàn đong. Gơwèt mờ 129 kơnòl broă, rơndap broă lơh mờ khà priă kờp dŭ lài là 14 rơbô 710 tơmàn đong neh tơl sră ngal bơcri priă jat jơnau sồr, tơl ală bơta broă rơndap lơh priă bơcri bơh Broă lơh dê nàng yal mờ Thủ tướng Cíñ phủ in tam pà priă, Ủy ƀan Thường vụ Quôk hội sồr Cíñ phủ kờp sền nền bè tŭ tơngai lơh sir ală rơndap broă lơh; mhar jàu priă, tam pà ai ală rơndap broă lơh geh ngan, lơh pràn tŭ tơngai lam lơh jat.