Uỷ ƀan Thường vụ Quôk hội tă pơgồp jơnau đơs rơndap broă lơh Adat sền gàr gơnoar kwơ cau ngui sa in
Thứ tư, 14:18, 15/02/2023
Cau mblàng K’Hạnh/VOV
Cau mblàng K’Hạnh/VOV
VOV4.K'Ho- Pơn jat tai broă lơh pơrjum dơ̆ 20, drim ngai 15/02, Ủy ƀan Thường vụ Quôk hội ai jơnau đơs bè bàr pe broă dờng gam geh jơnau đơs krơi is bơh rơndap broă lơh Adat sền gàr gơnoar kwơ cau ngui sa dê (tam gơl).
Tŭ do gam 2 broă gam dan jơnau đơs bơh Ủy ƀan Thường vụ Quôk hội dê là jơnau đơs cau ngui sa mờ tơrmù ƀà sră nggal nàng bơsong dơ̆ lơh tìs broă phan bơna làng bol dê bè sền gàr gơnoar kwơ cau ngui sa in.
Tàm hơ̆, gơwèt mờ jơnau đơs cau ngui sa, kung gam geh jơnau đơs krơi is, dan cih cau ngui sa tàm hơ̆ geh bal mpồl cau tàm jơnau rcang cih Adat dê. Tài bơh, tàm bơta geh ngan tàm rài kis, broă blơi halà ngui phan bơna, phan kă bro, broă drơng ala ai jơnau kờñ ngui sa in, ờ gŏ di tài jơnau kờñ kă bro ờ mìng là broă lơh să tờm is lơm mờ tàm hơ̆ geh bal mpồl cau dê.
Viết bình luận