Broă lơh geh gơtha kwơ màng sền gàr, pơn jat tai lơh jat niam nùs nhơm tam klăc bal, lơh bơyô bal kwơ màng ờ hoan geh ngan bơh 2 jơi bơtiàn Việt Nam mờ Cuba dê, ngan là gơwèt mờ rơnàng kơnòm să ƀòn dờng dê. Bơta lơh bơyô bal oh mi đah 2 lơgar Việt Nam mờ Cuba neh bơt bơtàu mờ bơtàu tơnguh tàm bơta ring bal kah yau bơh 2 jơi bơtiàn.

Rlau 60 nam do, kờp bơh ngai 2 lơgar lơh bơta gĭt gơ̆p cribơyai broă mờ lơgar ndai (2/12/1960), 2 jơi bơtiàn neh sùm bal mờ gơ̆p tàm dơ̆ tam lơh tài lơngăp lơngai is, khat gơboh mờ tŭ do sùm bal mờ gơ̆p kơ̆ kơl kjap tàm broă lơh bơt bơtàu mờ sền gàr Dà lơgar xã hội củ nghĩa tàm tơl lơgar dê. Do ngan ngồn là bơta gĭt gơ̆p lơh bơyô bal, tàm klăc bal oh mi, ờ tŭ lơi tam gơl, bơta gĭt gơ̆p neh gơ gơs pơrya bơh rài pa dê, là phan bơna  kwơ màng ngan rlau jơh mờ 2 Đảng mờ làng bol 2 lơgar Việt Nam mờ Cuba dê sùm prap gàr, sền gàr, bơt bơtàu mờ mblàng lời wơl ai ală rơnàng tơnơ̆ do in.