Do là khà jơnhua ngan rlau jơh bơh lài tus tŭ do mờ là nam lơh geh cồng nha uă bơh tac phe hờ lơgar ndai bơh lơgar he dê. Tàm tŭ hơ̆, jơnau kờp dŭ nam 2024 ai gŏ, drà kă bro kòi phe pơn jat tai duh hồl tŭ 2, 3 lơgar sơlơ tơnguh broă blơi phe bơh lơgar ndai nàng kờñ gàr tơl phe. Jơnau bơh bơta do dê là khà kòi phe tàm dunia gam ờ huan geh rơhời, ai Việt Nam den gam geh tŭ niam bè tac phe hờ lơgar ndai. Jat kờp dŭ jơnau kờñ bơh ală lơgar tàm dunia dê là uă ngan, tàm hơ̆ geh ală drà kă bro ờs mờng bè Philippines, Indonesia halà Lo.

Jat Ƀộ Nông nghiệp mờ Phát triển Nông thôn pà git, kàl lơh kòi mrềt prang 2023- 2024, tiah ring dà dờng Cửu Long rơp sih tam mờr 1 tơlak 500 rbô lồ mờ khà lơh geh kờp dŭ rlau 10 tơlak tấn kòi, tơrgùm tàm ală sơntìl kòi thồm, kòi bơkah phe nàng drơng jơnau kờñ tàm lơgar mờ tac hờ lơgar ndai.