Mho ngai 29/05, tàm ƀòn dờng Hồ Chí Minh, Ủy ƀan Ñân zân 2 càr Hậu Giang, Bình Định, Ủy ƀan Ñân zân ƀòn dờng Thủ Đức mờ Mpồl Tin học ƀòn dờng Hồ Chí Minh (HCA) dê pơrjum ƀăo yal Tơngleh NASA tàm lơgar Việt Nam- Vietnam Space Week. Jat Mpồl Tin học ƀòn dờng Hồ Chí Minh, do là dơ̆ sơn rờp Tơngleh NASA geh lơh tàm dùl dà lơgar tiah đah Jum mat tơngai lik câu Á dê. NASA là Anih lơh broă gah rơndeh par mờ tềng hơđang kơl wàng trồ dà lơgar bơh Cíñ phủ lơgar Mỹ dê, geh tơlik mat tàm nam 1958, kong kơnòl broă bè broă lơh hơđang kơl wàng trồ drơng broă làng bol mờ kơlôi sơnơng gah rơndeh par.

Tơngleh NASA tàm Việt Nam- Vietnam Space Week rơ̆p bơyai lơh tàm 3 càr, ƀòn dờng, hơ̆ là: ƀòn dờng Vị Thanh, càr Hậu Giang bơyai lơh bơh ngai 5 tus ngai 6 nhai 06; ƀòn dờng Thủ Đức, ƀòn dờng Hồ Chí Minh bơyai lơh tàm ngai 7 nhai 06; ƀòn dờng Quy Nhơn, càr  Bình Định bơyai lơh bơh ngai 8 tus ngai 9 nhai 06 nam 2023. Tơngleh NASA tàm Việt Nam ràng tơlik ală cồng nha mờ tă pơgồp bơh NASA dê tàm broă sền gĭt hơđang kơl wàng trồ, kơlôi sơnơng khoa họk mờ bơtàu tơnguh kông nghệ mờ ală jơnau bơceh lơh pa ngan rlau jơh. Ală broă lơh do nàng kờñ lơh gơ kờñ ai rơnàng kơnòm să in mờ ală jơnau yal bơh cau măi appolo guh hơđang trồ tàm tiah lơh broă mờ ơm kis bơh khi dê tềng hơđang kơl wàng trồ. Mơkung tàm pà bè ală kơlôi sơnơng khoa họk nàng sền gàr plai ù, tơrmù ƀà bơ̆ bơl tiah ơm kis...