Ngai 15/06, pơn jat tai dơ̆ lòt lơh broă tàm ală càr tàm tiah tàm gùl lơgar, ồng Đỗ Tiến Sỹ, Kwang atbồ dờng Anih jơnau đơs Việt Nam (VOV) lam bồ mpồl kwang bàng lơh broă bơh VOV dê lơh broă mờ ồng Nguyễn Hải Ninh, Ƀí thư Tỉñ ủy Khánh Hòa mờ ală Sở, ngàñ geh gơrềng cribơyai broă pơgồp bal bơyai lơh broă lơh cribơyai cíñ trị đơs crih tam ya “Pràn, pas bơh dà lềng ƀòn lơgar dê”.

Broă lơh cribơyai cíñ trị đơs crih tam ya “Pràn, pas bơh dà lềng ƀòn lơgar dê” bơh Anih jơnau đơs Việt Nam (VOV) pơgồp bal mờ Ƀan Tuyên giáo Dà lơgar, Tổng kụk Cíñ trị Ling klàng làng bol Việt Nam- Ƀộ Quôk phòng mờ Ủy ƀan Ñân zân càr Khánh Hòa dê bơyai lơh. Broă lơh jŏ jòng 90 phuk, rcang lơh tàm mang ngai 15/08/2023 tàm rƀàng anih ơhò ơm Họk viện Ling dà lềng, ƀòn dờng Nha Trang dê. Do là broă lơh geh lơh dờng kấp dà lơgar. Tơngume broă lơh tơrgùm sền wơl cồng nha lơh jat Nghị quyết Pơrjum dờng dơ̆ XIII bơh Đảng dê tàm ală tiah dà lềng, bồt bơlào bơh bồ tơngai lơh broă tus tŭ do. Broă lơh cribơyai cíñ trị đơs crih tam ya “Pràn, pas bơh dà lềng ƀòn lơgar dê” yal jơnau yal tơngĭt đơs nền nùs nhơm kờñ gơboh dà lềng jrô ơnàng làm uă bơh làng bol Việt Nam dê; bơta kơ̆p kờñ ngan bơtàu tơnguh lơh sa dà lềng lơgar Việt Nam dê, sền gàr gơnoar tờm dà lềng bồt bơlào bơh Dà lơgar dê....