Nàng dong kờl kơnòm dềt tàm tiah ngài geh tai phan ngui, drơng tàm nam bơsram pa (2023-2024), ngai òr (14/06), Công đoàn anih jơnau đơs Việt Nam tàm Tây Nguyên neh pơgồp bal mờ ală cau dong kờl jào pà 600 nơm phan nhơl crăp ai kơnòm bơsram mầm non tàm kơnhoàl Lăk, càr Dăk Lăk in.

600 nơm phan nhơl crăp gơs rùp lơh hìu mờ mpàn MULA – IKEA geh lơh mờ chi sồi kră, sơng dà acrylic niam bal mờ chi đù Polypropylen. Kờp jơh geh mờr 240 tơlăk đong. Mò Hoàng Thị Thắm, drơng broă kơnòm bơsram kấp mầm non gơwèt Phòng Giáo dụk kơnhoàl Lăk, càr Dăk Lăk pà git, kơnhoàl Lăk geh 13 hìu bơsram mầm non, tàm hơ̆ geh 12 hìu bơsram dà lơgar mờ 1 hìu bơsram mpồl cau lơh is mờ rơlao 4 rơbô nă kơnòm dềt, tàm hơ̆ khà kơnòm dềt là kòn cau geh rơlao 50%. Ală phan bơh VOV Tây Nguyên jào pà, geh dong kờl kơnòm dềt in geh tai ală phan nhơl pơ-rài bồ tơngoh, git kơlôi sơnơng tàm broă bơsram.