Đơs tàm dơ̆ tơngkah, Kwang bàng Ƀan Cấp hành Đảng Dà lơgar, Kwang atbồ dờng Anih jơnau đơs Việt Nam Đỗ Tiến Sỹ đơs sùm, tàm tơngai 30 nam do, mpồl kwang bàng, cau lơh broă bơh Ƀan Jơi bơtiàn dê neh geh uă tă pơgồp kwơ màng tàm cồng nha bal tàm 78 nam Jơnau đơs Việt Nam dê mờ tơnguh tai bơta kwơ, bơta pràn mblàng yal bơh dùl Anih lơh broă Sră ƀăo, gah mblàng yal tờm, uă gah tus mờ uă ngan  cau iăt tàm lơgar mờ lơgar ndai dê.

Tàm tơngai pa, pal sơlơ tơnguh bơt bơtàu kơ̆ kơl jăp mpồl tam klăc dờng jơh gùt jơi bơtiàn, lơh jat niam bơta pràn, pràn kơl dang rlau tai gơnoar broă, bơta tă pơgồp bơh ală rơnàng làng bol dê, lơh kah wơl mờ lơh jat niam tơl bơta pràn, bơta ƀuơn, bơta pràn bơceh lơh bơh tơl nă làng bol Việt Nam dê, lơh kah wơl nùs nhơm bồ tơngoh kơ̆p kờñ ngan bơtàu tơnguh bơh jơh gùt jơi bơtiàn dê. Di dơ̆ do, Ƀan Jơi bơtiàn neh geh Anih jơnau đơs Việt nam, ală Ƀộ, gah lơh broă Dà lơgar, ală tiah pà Ƀằng khen cih dờp bơta tă pơgồp bal jơh nùs, geh cồng nha bơh kwang bàng, cau lơh ƀăo, cau sền sơwì jơnau di dơ̆ tơngkah 30 nam tơlik mat.