Tơngai pa do, geh bơta dong kờl bơh Liên hợp quôk mờ ală lơgar lơh broă bal bè sền gàr ring lơngai, Ƀộ Kwang àng Việt Nam neh bơyai lơh ală khoă bơto bơtê, pơlam tàp tàm lơgar mờ lơgar ndai ai rlau 70 dơ̆ sĩ quan in nàng rcang lài tus bal lơh broă sền gàr ring lơngai Liên hợp quôk. Tŭ do, Ƀộ Kwang àng Việt Nam neh geh 15 nă sĩ quan geh tơl ală jơnau kờñ bơh Liên hợp quôk dê nàng tus bal mpồl sền gàr lơngap lơngai jat broă lơh cau dùl nă să is.

Ƀộ Kwang àng neh tơlik kơrnoat tơlik mat Mpồl Kảñ sát sền gàr ring lơngai sồ 1 tàm ală broă lơh atbồ bơta pràn jak rcang lài lam lơh kơnòl broă bơh Ƀan Thư kĭ Liên hợp quôk dê. Kơrnoat do tơngŏ bơta pràn kơl dang, lơh ngan ngồn jơnau hơ bơh Đảng, Dà lơgar, Ƀộ kwang àng lơgar Việt Nam dê tus bal jơh nùs, geh kơnòl gàr niam ring lơngai, kơ̆ kơl jăp, bơtàu tơnguh tàm tiah do mờ tàm dunia.