VOV4.K’Ho- Mŭt bal tàm drà kă bro jơla mơya kơnờm mờ broă rơcang tus mờ tam gơl sồ, uă mpồl lơh sa kă bro mŭt lơh broă tàm càr Dăk Lăk neh rơhời geh khà cau năc kơl jăp, ơnàng tàm gùt tiah. Git bơta geh ngan do, ngai sơlơ geh uă mpồl lơh sa kă bro lơh ngan gơdờp mờ bơcri priă tàm broă tam gơl sồ, pơgồp bal tàm broă lơh pràn broă tam gơl sồ tàm càr dê.

VOV4.K’Ho- Hìu bơsram Họk viện Cíñ trị Dà lơgar Hồ Chí Minh pa pơgồp bal mờ Tỉñ ủy càr Gia Lai bơyai lơh cri bơyai khoa họk “Ngui niam gơnoar broă bơh cau geh bơngă pin dờn dê tàm broă bơ̆t bơtàu Đảng mờ ală anih lơh broă cíñ trị tàm ƀòn lơgar kloh niam, pràn kơl dang tàm càr Gia Lai”.

VOV4.K’Ho- Drim òr (10/10), di tus Pơrjum kấp dờng mpồl ASEAN dơ̆ 44, 45 mờ ală Pơrjum kấp dờng gơrềng bal tàm Vientiane, lơgar Lào, Thủ tướng ồng Phạm Minh Chính neh tìp măt cri bơyai kâp dờng mờ Kwang atbồ lơgar Hàn Quốk ồng Yoon Suk Yeol.

VOV4.K’Ho- Drim òr (10/10), tàm Hìu pơrjum Dà lơgar, Mpồl duh broă Đảng Dà lơgar, Quốk hội, Củ tịc lơgar, Cíñ phủ lơgar Kộng hoà xã hội củ nghĩa Việt Nam, Anih duh broă Mặt trận Dà lơgar Việt Nam mờ ƀòn dờng Hà Nội neh bơyai lơh Tơnkah 70 nam Ngai tơnklàs Càr lơgar (10/10/1954 - 10/10/2024).

VOV4.K’Ho- Mho ngai 09/10, tàm càr lơgar Vientiane, lơgar Lào dê, Thủ tướng Cíñ phủ ồng Phạm Minh Chính mờ Thủ tướng lơgar Singapore ồng Lawrence Wong neh pơrjum bơyai dơ̆ sơnrờp tàm tơnggume dơ̆ tìp măt ờs mờng pah nam đah bàr Thủ tướng, di dơ̆ tus bal Pơrjum Kwang bàng kâp dờng Asean dơ̆ 44, 45.

VOV4.K’Ho- Mho ngai 09/10, tàm Hà Nội, Ƀăo Làng bol bơyai lơh dơ̆ sơnđờm mut lơh dơ̆ Ràng tơlik tàm bơh bơr Jrong bồng bi Hà Nội mờ yal tơngĭt pang ƀăo is ồn di dơ̆ tơngkah kir sơnrai 70 nam Ngai Tơngklàs càr lơgar (10/10).

VOV4.K'Ho- Thủ tướng Cíñ phủ ồng Phạm Minh Chính lam bồ Mpồl Kwang bàng kấp dờng lơgar Việt Nam tus bal dơ̆ sơnđờm mut pơrjum.

VOV4.K’Ho- Drim òr (09/10), tàm Hà Nội, Kwang atbồ Ƀan Tuyên giáo Dà lơgar ồng Nguyễn Trọng Nghĩa tus bal mờ đơs tàm dơ̆ sồr lơh tàm dơ̆ sơnđờm mut nam bơsram pa 2024-2025 tàm Hìu bơsram Đại họk Bách khoa Hà Nội.

VOV4.K’Ho- Mang òr (08/10), tàm càr lơgar Vientiane, lơgar Lào, di dơ̆ tus bal Pơrjum Kwang bàng kấp dờng Asean mờ ală pơrjum geh gơrềng, Thủ tướng ồng Phạm Minh Chính tìp mat, lơh broă mờ kwang bàng Kwang atbồ anih lơh broă ala mat lơgar Việt Nam tàm lơgar Lào.

VOV4.K’Ho- Lơh jăt Adăt Ù tiah nam 2024 tàm mùl màl, ngai òr (08/10), Mpồl sồr atbồ, bơsong ală bơta gơrềng tus bă ù geh bơh mpồl lơh sa suơn sre brê bơnơm.