Bàr nă Thủ tướng chờ hờp sền gŏ gĭt gơ̆p lơh broă bal 2 gah bơtàu tơngguh ờ hềt tŭ lơi geh bơh lài mờ tơl làm tàm ală broă; đơs nền bơta jơh nùs lơh ngan ai gĭt gơ̆p gơguh tus bơta bơtàu tơngguh pa. Bàr gah dồ nùs bal lơh broă bal lơh sa kung gam sơl là broă lơh kwơmàng tàm gĭt gơ̆p bàr lơgar; pơgồp bal lam lơh jăt gơtùi Jơnau hơ nền tơnggume bè tàm tơrbŏ bal bàr rài lơh sa mờ gĭt gơ̆p Cau lơh broă bal Lơh sa tơlir- lơh sa sồ Việt Nam mờ Singapore, ngan là tàm tơrbŏ bal phan bơna tàm yal tơnggĭt bal jơnau; bơtàu tơngguh ală VSIP- 2.0 kơ̆ kơl jăp, ngăc ngar; bơtàu tơngguh năng lượng sàng goh.

Bàr nă Thủ tướng kung đơs sùm pal sơlơ tơngguh rlau tai lơh broă bal tàm ală broă kwơmàng ndai bè sền gàr dà lơgar- lơngăp lơngai, bơto bơtê, niam chài mờ tìp măt lơh kwèng làng bol. Thủ tướng ồng Phạm Minh Chính đơs nền rơ̆p ai tơl bơta ƀươn ai ală mpồl lơh sa kă bro lơgar Singapore in rề ơnàng bơcri priă tàm Việt Nam.