VOV4.K’Ho- Drim òr (07/10), jăt jơ tàm tiah do, tàm càr lơgar Paris, lơgar Tây, tàm dơ̆ tus còp mùl màl lơgar Tây, Tổng Ƀí thư, Củ tịc lơgar ồng Tô Lâm neh cri bơyai mờ Củ tịc Quốk hội lơgar Tây mò Yael Braun – Pivet.

VOV4.K’Ho- Rềs àr gùng lòt là bơta ờ gŏ cau lơi kơ̆p kờñ ờ, mơya gơ gam sùm gơlik geh, lơh roh màng kis bơh uă cau mờ lơh uă hìu bơnhă gơ mut tàm bơta jê sồt muăt jrùm ngan, lơh geh uă bơta gơ lời wơl ờ niam ai mpồl bơtiàn in. Tàm càr Dăk Nông, gah lơh broă geh gơnoar gam lơh pràn broă lơh sền gàr niam rơndăp tăp sèng lòt rê tàm gùng nàng kờñ tơrmù ƀà ală dơ̆ rềs àr gùng lòt.

VOV4.K’Ho- Drim nòr (07/10), Thủ tướng ồng Phạm Minh Chính neh đơng lam pơrjum Cíñ phủ mờ ală tiah nàng sền sơ wì bơta lơh sa- mpồl bơtiàn nhai 09 mờ lam lơh kơnòl broă lồi nam.

VOV4.K’Ho- Drim òr (07/10), Kwang atbồ Ƀan Nội cíñ Dà lơgar ồng Phan Đình Trạc bal mờ Mpồl cau ala mat Quôk hội càr Lâm Đồng neh tìp mat mờ cau tĕ khà mờ cau lơh phan, cau lơh broă mờ kwang bàng, đoàn viên, Mpồl ala mat cau lơh broă tàm ƀòn dờng Dà Làc.

VOV4.K’Ho- Tàm dơ̆ lòt còp ngan ngồn lơgar Tây, ngai 06/10, Tổng Ƀí thư, Củ tịc lơgar ồng Tô Lâm neh tus ƀòn dờng Le Havre mờ geh dơ̆ tìp mờ lơh broă mờ Kwang ătbồ ƀòn dờng Le Havre ồng Edouard Philippe.

VOV4.K’Ho- Drim òr (06/10), di dơ̆ tơnkah 70 nam Ngai Tơnklàs càr lơgar (10/10), Thủ tướng ồng Phạm Minh Chính neh tus bal “Ngai chờ Niam chài tài ring lơngai”, bơh Anih duh broă làng bol ƀòn dờng Hà Nội dê bơyai lơh.

VOV4.K’Ho- Mpồl tam klăc cau ùr Việt Nam pơgồp bal mờ Ƀộ Bơto bơtê mờ Bơsram bơyai lơh Cri bơyai lơh pràn gơnoar lam lài bơh ơruh pơnu Jơi bơtiàn ờ gal cau tàm broă tam gơl jơnau git wă tam cah ờ rờm bal bè cau klao mờ cau ùr dê, bơta ai geh bè cau klao, cau ùr geh bơyai lơh tàm Hìu bơsram Đại họk Tây Nguyên, ƀòn dờng Buôn Ma Thuột, càr Dăk Lăk. Dơ̆ Cri bơyai hòi jà geh rơlao 200 nă cau bơsram dờng, ơruh pơnu jơi bơtiàn ờ gal cau pơnrơ bơh 06 hìu bơsram đại họk tus bal, ai tơngŏ ơruh pơnu geh gơnoar kwơ màng tàm broă tam gơl jơnau git wă tam cah ờ rờm bal bè cau klao mờ cau ùr dê, bơta ai geh bè cau klao cau ùr dê, pơgồp bal tàm broă lơh tam gơl bơta niam chài mờ bơhiàn ƀòn lơgar.

VOV4.K'Ho- Drim ngai 04/10, jăt jiơ tiah do dê, tàm Paris, Tổng Ƀí thư, Củ tịc lơgar Việt Nam ồng Tô Lâm neh wă Củ tịc Ala măt bơh Mpồl Cau ătbồ lơgar Tây, Củ tịc Mpồl ală cau rwah cau lơh broă dà Tây, Củ tịc bơceh lơh Notus Technologies.

VOV4.K’Ho- Sră wăc rùp ù tiah tam gơl wơl Rơndăp ù tiah jơh ală bơta ƀòn dờng Dà Làc mờ kơnhoàl ù tiah rềp bal tus nam 2045 geh Mpồl duh broă Làng bol càr Lâm Đồng ring bal geh 9 tam pà tiah bơtàu tơngguh ù tiah tiah drà, gơguh 5 tam pà tiah pơndrờm mờ ală rơndăp ù tiah lài hơ̆.

VOV4.K'Ho- Tàm 2 ngai, ngai 3 mờ ngai 4 nhai 10 tàm ƀòn dờng Kon Tum geh bơyai lơh Pơrjum dờng Mpồl tam klăc ơruh pơnu Việt Nam càr Kon Tum khoă VIII, tơngai lơh broă bơh nam 2024-2029.