Jat jơnau yal bơh Ƀộ Broă rơndăp lơh mờ Bơcri priă dê, gơguh lơh sa 9 nhai uă rlau pơndrờm mờ broă rơndăp lơh neh geh ai, GDP qúy 3 gơguh 7,4%, kờp bal 9 nhai gơguh 6,82%. Jơh bal 3 tiah broă lơh sa, lơh sa mờ măi mok mờ drơng broă ndrờm gơguh niam. Rơndăp tăp sèng lơh sa pơn jat tàm ntrờn niam.

Bè kơnòl broă, broă lơh tờm tàm nhai 10, qúy 4 nam 2024 mờ tàm tơngai tus Thủ tướng ồng Phạm Minh Chính sồr ală kấp, ală gah broă, ală tiah pơn jat tai lơh jat dồ ròt bal, kràñ cê jơh nùs lơh ală kơnòl broă, broă lơh mờ nùs nhơm: Jơh nùs lơh ngan uă ngan- Pơnđơl pràn lơh jơh bơta pràn- Lơh broă kràñ cê jơh nùs- Lơh ngan lơh tus geh tơl làm ală jơnau kờñ, kơnòl broă bơh nam 2024 dê mờ lơh geh bơta gơn kơnờm ai nam 2025. Tàm hơ̆, lơh sir broă lơh hìu ơm ai ală hìu bơnhă gơtìp dà tih cò pơrdô, roh jơh hìu đam, roh tiah ơm tài bơh trồ tiah lơh aniai lơh gơlik, sơlơ tơnguh tai ai priă bơcri 140 rơbô tơmàn đong lơh lài ai hìu ơm mpồl bơtiàn; dơ̆ 5 là lơh pràn lơh sa kă bro lơh geh broă lơh sa ai làng bol in, bơtàu tơnguh nùs nhơm phan bơna bơh làng bol dê dờp geh bơh bơta niam chài, is ồn là bơsong jơnau gơ lời wơl tài bơh mìu càl rơbŭt dờng dà kŏ dà cò lơh aniai pa do mờ lơh pràn bơcri priă dà lơgar nàng lơh geh bơta gơn kơnờm ai bơtàu tơnguh lơh sa- mpồl bơtiàn in.