Mờ jơnau đơs broă lơh “Ơruh pơnu Kon Tum lam lài- khin cha- tam klăc bal- bơceh lơh- bơtàu tơnguh”, tàm 2 ngai, ngai 3 mờ ngai 4 nhai 10 tàm ƀòn dờng Kon Tum geh bơyai lơh Pơrjum dờng Mpồl tam klăc ơruh pơnu Việt Nam càr Kon Tum khoă VIII, tơngai lơh broă bơh nam 2024-2029.Tus bal pơrjum dờng geh 245 nă cau ala mat ala rlau 77 rơbô nă cau tàm mpồl jơh gùt càr dê. Đòm jat niam nùs nhơm lam lài, dong kờl is bơh rơnàng kơnòm să dê, tơngai lơh broă pa do càr Kon Tum lơh geh tềl lời wơl tàm uă gah broă pơgồp bơnah bơt bơtàu càr Kon Tum ngai sơlơ kơ̆ kơl jap mờ bơtàu tơnguh.

Tơngai lơh broă pa 2024-2029, Mpồl Tam klăc ơruh pơnu càr Kon Tum sền gĭt geh ết ngan rlau jơh 25 broă lơh dong kờl ơruh pơnu jơi bơtiàn dồ ết nă cau prap gàr, ngui niam bơhiàn niam chài jơi bơtiàn dê; 350 rơbô dơ̆ cau tàm mpồl, ơruh pơnu tus bal ală broă lơh dong kờl is bơh ală kấp ƀộ, mpồl dê bơyai lơh... Pơrjum dờng Mpồl tam klăc Ơruh pơnu Việt Nam càr Kon Tum khoă VIII, tơngai lơh broă bơh nam 2024-2029 neh dồ nùs bal rơ wah Anih duh broă mpồl khoă pa geh 35 nă; dồ nùs bal rơ wah bin Y Việt Sa, Phó Ƀí thư Tỉñ đoàn càr at gơnoar broă Củ tịc Mpồl tam klăc Ơruh pơnu Việt Nam càr Kon Tum khoă VIII, tơngai lơh broă bơh nam 2024-2029.