Tàm dơ̆ tìp mat mờ cau tĕ khà, cau tĕ khà kơ̆p kờñ Đảng, Quôk hội mờ Cíñ phủ pơn jat tai geh ală gùng dà broă lơh di pal nàng sơlơ tơnguh tai rài lơh sa- bơtàu tơnguh. Tàm hơ̆, sền gròi tus ală broă lơh, broă dong kờl bè broă lơh, hìu ơm mpồl bơtiàn, ală broă lơh niam chài, tàp pràn să jan, dong kờl bơto broă lơh, dong kờl tŭ cau lơh phan, cau lơh broă gơtìp roh broă lơh, ơm ing sră pơrgon lơh broă...

Cau tĕ khà kung dan pal geh ală broă lơh, broă lơh bơsong di pal gơwèt mờ ală broă lơh lơyài tơm priă, mpồn tơm priă Sền gàr dong kờl ờ geh broă lơh, Sền gàr dong kờl mpồl bơtiàn ai cau lơh broă lơh in; sơlơ tơnguh tai khà priă dong kờl ờ geh broă lơh pah nhai, broă lơh dong kờl krơi is gơwèt mờ kông cứk, viên cứk, cau lơh broă in tàm ală hìu bơsram dà lơgar. Đơs tàm dơ̆ tìp mat, Kwang atbồ Ƀan Nội cíñ Dà lơgar ồng Phan Đình Trạc đơs là ală jơnau đơs tă pơgồp, jơnau dan bơh cau tĕ khà dê là di pal ngan. Mpồl cau ala mat Quộk hội càr Lâm Đồng rơ̆p cih dờp, tơrgùm wơl mờ geh jơnau yal tus mờ ală anih lơh broă kấp Dà lơgar dê.