Tơnơ̆ tŭ tơmŭt bal sră pơ àr gơnoar atbồ, càr Dăk Lăk pa geh 102 sàh, sơnah ƀòn mờ ndrờm pal 102 Đảng ƀộ kấp sàh. Tŭ do ală tiah tàm càr Dăk Lăk gam tơrgùm lơh jơnau rcang cih sră nggal mờ rcang ală bơta bơyai lơh Pơrjum dờng Đảng ƀộ kấp sàh.

Ồng Phạm Tiến Hưng- Ƀí thư Đảng ủy sàh Hoà Phú pà gĭt, sră nggal rơ̆p lơh sir tàm poh tus, mờ tờm ngan là bơtàu tơnguh lơh sa- mpồl bơtiàn, bơt bơtàu Đảng, niam chài mờ gàr niam sền gàr Dà lơgar lơngăp lơngai. Pal sền gròi là, pơrjum dờng dơ̆ do ờ gŏ lơh pồ kấp ủy khoă pa. Mpồl Lơh kơnòl broă sùm Tỉñ ủy càr rơ̆p sồr kwang bàng tờm bè Ƀí thư, Phó Ƀí thư mờ tam pà cau ala mat tus bal pơrjum dờng kấp càr. Broă lơh do nàng kờñ gàr niam bơta đơng lam ring bal, bè ờs mpồl lơh broă tàm tơngai tàm pơn jat tai tơnơ̆ tơmŭt bal.