Uă jơnau đơs tàm Duh broă sùm Anih duh broă priă jền kes priă Dà lơgar ring bal mờ bơta kờñ pal geh ai lơh jat Jơnau lơh nền tàm pơrjum nàng pơn jat tai ngui broă lơh tơrmù priă dia gơguh tai, pơgồp bơnah tơrmù giă tăc bro, giă tăc phan bơna, drơng broă, bơh hơ̆ gơtùi gơ hòi gơ jà cau ngui sa, gàr niam broă lơh ai cau lơh broă in, dong kờl làng bol, mpồl lơh sa kă bro in pơn jat tai gàr niam bơta bơtàu tơnguh wơl mờ sơlơ tơnguh tai broă lơh lơh sa, kă bro nàng tă pơgồp wơl ai kes priă dà lơgar in mờ rài lơh sa.

Uă jơnau đơs tă pơgồp tàm Duh broă sùm Anih duh broă Priă jền kes priă Dà lơgar ring bal mờ jơnau đơs bơh Cíñ phủ dê bè broă pơn jat tai ai gơnoar ngui broă lơh bơh ngai 01/01/2025 tus jơh ngai 30/6/2025. Đơs pơndŭt pơrjum, Phó Củ tịc Quôk hội ồng Nguyễn Đức Hải pà gĭt, Anih duh broă Lơh kơnòl broă sùm ring bal yal mờ Quôk hội in sền sơwì lơh nền tơrmù priă dia gơguh tai bơh Cíñ phủ dê; sồr Cíñ phủ iăt kơno jơnau đơs bơh Anih duh broă Lơh kơnòl broă sùm, jơnau đơs bơh anih lơh broă sền sơ wì nàng bơtơl tai jơnau đơs tơnguh bơta dờp bơh broă tơrmù priă dia yal mờ Quôk hội in sền sơwì lơh nền.