Anih duh broă Làng bol càr Lâm Đồng sồr gah lơh broă geh gơnoar tàm càr tơnguh broă lòt sền, jăt sền nền nòn ală hìu tăc xăng jờu; di tŭ gŏ mờ bơsong nền nòn ală cau lơi prăp phan, tìs mờ jơnau geh ai bè bơta niam phan kă bro, sră blơi phan điện tử, tơngai tăc phan mờ priă tăc ờ uă.

Ală mpồl lơh sa kă bro tờm mờ cau kă bro tam pà xăng jờu kung geh sồr tam pà bal khà di pal tàm mpồl tam pà nàng pleh mờ koh gơl tơngai geh ai. Tŭ do, bơta ai xăng jờu tàm càr Lâm Đồng geh tơl niam. Mơya, tềng đăp mờ ală bơta gơtìp ờ git lài bơh drà kă bro dunia dê, gah lơh broă geh gơnoar càr Lâm Đồng gam pơn jăt tai sền gròi di jăt mờ bơta gơlik geh bơh drà kă bro dê, mờ pơlam làng bol bañ prăp xăng jờu tàm hìu ha là tiah lơh broă nàng pleh mờ bơta di gơlan gơtìp ồs sa bơrtoh mờ gàr niam lơngăp lơngai mpồl bơtiàn.