Phó Thủ tướng đơs niam Ƀộ Jơi bơtiàn mờ Pin dờn jat yàng neh geh uă bơta lơh ngan tàm broă lam lơh kơnòl broă geh jàu, ngan là tơnơ̆ rơndap tap sèng. Bè bàr pe broă kờñ pal kah tàm tơngai tus, Phó Thủ tướng ồng Hồ Quốc Dũng sồr lơh gơs kơrnuat boh lam, adat boh lam, tàm hơ̆ lơh sir gùng dà broă lơh gơ wèt mờ kơnòm bơsram, cau bơsram dờng jơi bơtiàn dồ êt nă cau, kơlôi sơnơng bơt bơtàu ală jơnau lơh nền broă lơh, bơtàu tơnguh broă drơng ala, tàm tơrbŏ bal cau lơh broă, broă lơh tàm làng bol kòn cau nàng tơnguh bơta niam rài kis bơh làng bol kòn cau dê. Phó Thủ tướng kung sồr Ƀộ Jơi bơtiàn mờ Pin dờn jat yàng kràñ cê koh tơrmù, lơh ƀuơn sră pơ àr gơnoar atbồ lài mờ ngai 20/4 do; pơn jat sền swì wơl tam pà kâp, jàu gơnoar tŭ lam lơh gơnoar atbồ ƀòn lơgar 2 kâp. Gơ wèt mờ broă lơh jơnau kờñ dà lơgar bè jơi bơtiàn dồ êt nă cau pal sền swì wơl, gàr ai priă bơcri, jơnau kờñ dut ndơl là lơh geh cồng nha.