Jat ală Mpồl lơh kơphe Buôn Ma Thuột – Mpồl bơyai lơh, nam do, dơ̆ pơrlòng gơ hòi gơ jà 82 mpồl tus bal mờ 185 bơta kơphe tus bal pơrlòng. Kờp jơh khà kơphe tus bal pơrlòng geh mờr 348 tấn, gơguh 42% pơndrờm mờ nam 2025. Do là tềl tơnggŏ niam ngan, ai gŏ pràn jak lơh gơlik kơphe bơkah bơh Việt Nam dê ờ mìng ơm wơl tàm khà dềt mờ gam wèt tus drơng ală drà dờng, geh jơnau sồr kal ke in.

Dùl bơta pal sền gròi ngan ndai là bơta bơtàu tơnguh pràn ngan bơh ală broă lơh lơh gơlik pa dê, lơh gơlik bơta li la, krơi is bè bơta ƀô bơkah, tơnguh bơta niam phan kơphe dê. Bal mờ hơ̆, dơ̆ pơrlòng nam do gam cih dờp bơta tus bal bơh ală tiah tam pa dê, bơdìh mờ ală tiah tam kơphe ờs mờng, ai gŏ bơta rề ơnàng ù tiah bơtàu tơnguh bơh kơphe bơkah Việt Nam dê.