Jàu Jơnau lơh nền mờ đơs tàm dơ̆ bơyai lơh, ala măt kwang đơng lam bồ Đảng, Dà lơgar, Củ tịc lơgar ồng Lương Cường gờm chờ ồng Lê Quang Minh, gờm chờ Mpồl ling klàng làng bol Việt Nam mờ Tổng Kụk Cíñ trị Mpồl ling klàng làng bol Việt Nam. Đơs sùm, do là bơta chờ hờp, bơta kir crŭ, bơta pơñiờ să bơh kwang bàng, cau ling jơh gùt ling dê; mơkung là bơta chờ hờp, bơta kir crŭ bơh să tờm dê, hìu bơnhă mờ ƀòn tờm ồng Lê Quang Minh dê.

Đơs tàm dơ̆ bơyai lơh, Thượng tướng ồng Lê Quang Minh đơs nền rơ̆p kơlôi sơnơng jrô, gĭt wă loh làng bơta sồr lơh bơh Củ tịc lơgar dê; dòn song ngan mờ Đảng, Dà lơgar mờ làng bol; jơh nùs bơsram mờ lơh jăt jơnau bơto bơh Củ tịc Hồ Chí Minh dê bè gơnoar broă bơh cau lơh kwang ling dê: Àng sơrdah, Khin cha, Bơngă, Kờñ gơboh, Sàng goh, Dòn song. Mơkung pơn jăt tai pơnđơl, bơsram tàp, sền gàr nùs nhơm bồ tơnggoh kăc màng, crăp rơcăng dờp mờ lơh sir jơh ală kơnòl broă geh Đảng, Dà lơgar, Mpồl ling klàng mờ Làng bol dê jàu kơnòl.