Củ tịc lơgar jơh nùs jờng rơ ală cồng nha kwơ màng mờ ală rơnàng đơng lam bồ, kwang bàng lơh broă cribơyai broă mờ lơgar ndai dê neh lơh geh. Kờp bơh bồ tơngai lơh broă Pơrjum dờng dơ̆ 13 tus tŭ do, broă lơh lơh broă mờ lơgar ndai, cribơyai broă mờ lơgar ndai neh lơh geh uă cồng nha kwơ màng ngan, bơta kwơ kah yau, tă pơgồp tàm cồng nha bal bơh Dà lơgar dê. Tàm hơ̆, kwơ màng ngan rlau jơh là cribơyai broă mờ lơgar ndai neh lơh jat pràn kơl dang gơnoar broă lam lài tàm broă lơh geh mờ gàr kơ̆ tiah ring lơngai, kơ̆ kơl jăp ai bơtàu tơnguh in.

Bè gùng dà pơlam ai broă lơh lơh broă mờ lơgar ndai tàm tơngai tus, Củ tịc lơgar ồng Lương Cường đơs ngan jơnau pal jat “ai bơta ờ tam gơl he dê nàng drơng mờ rơbô bơta tam gơl”, pơgồp bal bơnĕ bơnài bơta pràn jơi bơtiàn mờ bơta pràn rài pa dê, kơ̆ nùs bè jơnau kờñ kwơ màng, ngăc ngar bè gùng dà broă lơh, gàr niam uă ngan rlau jơh bơta kwơ Dà lơgar- jơi bơtiàn dê. Broă lơh lơh broă mờ lơgar ndai pal lơh jat kơnòl broă lam lài là pơgồp bơnah gàr niam tiah ring lơngai, kơ̆ kơl jăp, gơ jal ală priă jền mờ ală bơta ƀuơn đah bơdìh nàng bơtàu tơnguh Dà lơgar.