Đơs tàm dơ̆ lơh broă, Củ tịc lơgar ồng Lương Cường đơs sùm, pal pơn jat tai lơh pràn broă lơh bơt bơtàu mpồl Đảng tàm gah Sền sơwì jat sền sàng goh, kơ̆ kơl jăp pràn kơl dang; sơlơ tơnguh tai bơta đơng lam bơh Đảng dê gơwèt mờ broă lơh Sền sơwì jat sền, gàr niam gàr kơ̆ jơnau pal jat tơrgùm bal làng bol lơh tờm, lơh jat gơnoar broă đơng lam bơh kấp ủy, mpồl đảng, gơnoar atbồ mờ mpồl cau tàm tơl anih lơh broă Sền sơwì jat sền dê.

Gơrềng tus broă tơrmù niam mpồl cau lơh broă, Củ tịc lơgar tơngkah do là dùl kơnòl broă kwơ màng ngan, gah Sền sơwì jat sền pal lơh jat niam gùng dà broă lơh bơh Đảng  dê jat gùng dà rơndăp tăp sèng mpồl cau lơh broă tơrmù- niam- pràn- cồng nha lơh broă pràn jak- gơtùi lơh broă mờ geh cồng nha; pơgồp bal tam gơl pa mpồl lơh broă kwang bàng mờ tam gơl pa gùng dà broă lơh đơng lam; gàr niam rơndăp tăp sèng mpồl kwang bàng, kông cứk, viên cứk geh tơl nùs nhơm, pràn jak, lơh broă di pal, lơh ngan gơnoar broă, tiah lơh broă dùl bă jak chài, di mờ bơta geh ngan; sền gĭt loh tơngume tàm pà kấp atbồ kwang bàng, kông cứk, viên cứk, cau lơh broă dê.