Tàm dơ̆ tìp, Củ tịc Quôk hội ồng Trần Thanh Mẫn đơs nền Việt Nam sùm sền lơgar Kazakhstan là lơgar lơh broă bal kwơ màng tàm tiah tàm gùl câu Á, mơkung jờng rơ uă gơnoar broă mờ bơngă ngai sơlơ gơguh bơh lơgar Kazakhstan dê tàm muh măt ală lơgar.

Bè lơh broă bal Quôk hội, Củ tịc Quôk hội ồng Trần Thanh Mẫn sồr 2 Quôk hội sơlơ tơnguh tai tàm pơgơl mpồl kwang bàng kấp dờng bơh Quôk hội, ală mpồl Nghị sìh kơnòm să, ùr Nghị sìh, ală anih duh broă mờ tam pà bal mờng chài rơ̆ ru lơh jat gơnoar broă jat sền, lơh adat boh lam tàm ală broă kwơ màng bơh Dà lơgar dê; sơlơ tơnguh tai tìp mat, lùp lăp mờ pơgồp bal niam tàm ală dơ̆ pơrjum Nghị viện ală lơgar, tàm tiah do dê; pơn jat tai dong kờl bal mờ gơ̆p tàm ală broă sền gròi bal.