Tàm rơndeh ồs lòt mhar tơn, đơng lam bồ mpồl lơh sa kă bro gah gùng rơndeh ồs lơgar Lo neh yal mhar mờ Tổng Ƀí thư, Củ tịc lơgar ồng Tô Lâm in bè bơta bơtàu tơnguh bơh gah gùng rơndeh ồs lơgar Lo dê. Jat hơ̆, ală rơndeh ồs gam mut ngui lơgar Lo dê lơh geh kờp jơh bơta jòng 165 rơbô kơi sồ. Tàm hơ̆, gùng rơndeh ồs lòt mhar pơgăp 54 rơbô kơi sồ, lam lài dunia mờ geh tus rlau 70% kờp jơh bơta jòng gùng rơndeh ồs lòt mhar gùt pal ù dê.

Tơngŏ bơta niam ngan bè broă lơh bơtàu tơnguh broă lơh gùng rơndeh ồs lòt mhar lơgar Lo dê, Tổng Ƀí thư, Củ tịc lơgar ồng Tô Lâm kơ̆p kờñ 2 lơgar pơn jat tai sơlơ tơnguh tai tàm tơrbŏ gùng lòt rê, geh bal gùng rơndeh ồs, tài bơta bơtàu tơnguh tơlir mờ gơguh tai dà lơgar. Ồng sồr, đơng lam bồ gah gùng rơndeh ồs mờ ală mpồl lơh sa kă bro lơgar Lo tam pà bal mờng chài mờ dong kờl, tus bal mờ lơgar Việt Nam tàm broă lơh bơt bơtàu, tàm jàu măi mok ai ală rơndăp broă lơh gùng rơndeh ồs kwơ màng tàm lơgar Việt Nam.