Jat hơ̆, khà ù sang bơh Rơndap broă lơh gùng rơndeh lòt mhar Khánh Hòa – Buôn Ma Thuột mờr 30 rbô khối, tŭ do gam tơrgùm tàm ƀlàng sang sồ 4 (sàh Vụ Bổn). Broă jun ntrờn ù sang tàm do nàng ngui bồr ù lơh gùng lam guh tus rbàng drơng rài kis làng bol Krông Bông geh sac rơ wah tài geh gùng jun pơndiang lơyah ngan rlau jơh pơndrờm mờ ală ƀlàng ndai. Tŭ do, ală mpồl geh gơ rềng gam lơh sir sră nggal nàng lồi nhai 4 do, ală cau tờm lơh rơndap broă rơp lam lơh jun pơndiang ù mờ cò tơnring. Rbàng drơng rài kis làng bol Krông Bông gơ wèt Rơndap broă lơh rơndap tap sèng, gàr kơ̆ kơljap làng bol ntrờn ơm kis khat gơboh tàm sàh Vụ Bổn, kơnhoàl Krông Păk yau. Bơnah rbàng tờm neh lơh gơs bơh lồi nam 2023. Bulah bè hơ̆, tài gam gơ kòl dùl hìu bơnhă ờ hềt ntrờn mờ ờ tơl ù bồr gùng den tàng tus tŭ do rbàng kung gam ờ hềt geh ai ngui. Cau tờm bơcri priă lơh bal mờ gơnoar atbồ tàm ƀòn lơgar gam tơrgùm bơsong bơta gơ kòl, lơh ngan, ai rbàng ngui bơh nhai 6 nam do.