Tàm dơ̆ tìp, Tổng Ƀí thư, Củ tịc lơgar ồng Tô Lâm kơ̆p kờñ Quảng Tây pơn jat tai lơh jat niam nùs nhơm lơh bơyô bal, ngui jơh bơta ƀươn bơta pràn ù tiah rềp bal, lơh niam gơnoar broă lam lài, lơh geh bơta tam gơl pràn bè pơgồp bal broă lơh kwơ màng tàm lơh broă bal mờ ală ƀòn lơgar bơh lơgar Việt Nam dê.

Đơs sùm Việt Nam là lơgar rềp bal rềp mềr, đềt mềr, lơgar lơh broă bal kwơ màng khà dùl bơh Quảng Tây dê, Ƀí thư ồng Trần Cương đơs nền Đảng ƀộ, gơnoar atbồ Tiah atbồ is Quảng Tây is ồn sền dờng màng bơta gĭt gơ̆p lơh bơyô bal mờ lơh broă bal mờ ală ƀòn lơgar bơh lơgar Việt Nam dê; rơ̆p pơn jat tai lòt lài tàm bơsram lơh jat, lơh jat tơl làm, geh cồng nha bơta gĭt wă bal kwơ màng đah đơng lam bồ kấp dờng 2 Đảng, 2 lơgar, pơgồp bơnah lơh jrô ơnàng làm uă rlau tai tìp mat lơh kwèng, lơh broă bal mờ sơlơ lơh kơ̆ rlau tai nùs nhơm lơh bơyô bal đah Lo mờ Việt Nam.