Tàm dơ̆ tìp măt kâp dờng, Củ tịc Quốk hội ồng Trần Thanh Mẫn pin dờn bal mờ broă dờp tai kơnòl broă Kwang Gơnoar cih dờng Đảng Lơh broă Làng bol, Thủ tướng lơgar Singapore ồng Lawrence Wong rơ̆p đơng lam lơgar Singapore lơh geh uă cồng nha dờng màng rơlao tai tàm broă bơtàu tơnguh lơh sa mpồl bơtiàn, lơh jăt geh cồng nha ală broă lơh pơrjum geh bơta tơngŏ krơi is, pơnrơ ngan là broă lơh “Lơgar Singapore Gơguh jăk”, bơh tŭ hơ̆ tơnguh uă bơngă lơgar Singapore tàm tiah do mờ tàm ală lơgar.

Sền wơl tơngai lơh broă tơnơ̆ mờ rơlao 50 nam crơng gơs bơta git gơ̆p cri bơyai broă mờ lơgar ndai mờ 10 nam crơng gơs bơta git gơ̆p Tam klăc bal jŏ jòng, bàr kwang đơng lam bồ neh đơs sùm bơta git gơ̆p đah lơgar Việt Nam mờ lơgar Singapore bơtàu tơnguh sùm, lơh geh uă bơta kwơ màng tàm jơh ală gah broă; pin dờn cíñ trị geh gơguh bơh broă lơh geh sùm cồng nha, sùm tàm pơgơl bal mpồl kwang bàng, tìp bal kấp dờng; ring bal tàm tơngai tus, bàr gah pơn jăt tai pơgồp bal nền nòn nàng kờñ ai bơta git gơ̆p đah bàr lơgar gơguh tàm dùl bơta niam pa.